اسعد الناااااس تسعد( Yasmina Rabie/ برنامج احلى حياه 5)

#أحلى_حياة ============ بسم الله الرحمن الرحيم أهلا بيكوا معانا فى الحلقة الخامسة من برنامج " أحلى حياة " واللى تعتبر الحلقة التالتة ليا ============ ياساتر يارب ايه اللى انا شايفاه ده .. ايه كمية الناس المكشرة ومهمومة وشايلة فى قلبها دى أحب ارخم عليكوا واقولكوا " انتوا عاملين زى اللى طبيخها مدلوق كدة ليه " خلاص نتكلم جد بقى للأسف أنا عارفة إن معظمنا يمكن مهموما وحزين وشايل جواه هم الدنيا كله وشايف إن مفيش فيها اى حاجة تفرح ويمكن كمان نفسه ينتحر ويخلص بقى تصدقوا عندكوا حق بجد فى كل اللى هتقولوه والدنيا دى فعلا مليانة كآبة وهم اوى بس ياترى إنت لما بتزعل ببتعمل ايه ؟ فيه ناس هتقول بسمع أغانى حزينة ==> ودول عشاق النكد وبالذمة يعنى مش هما يستاهلوا النكد .. دول بيزودوا الطين بلة .. لالا وحشة الفكرة دى عاوزين غيرها ناس تانية هتقول بسمع أغانى شعبى ومهرجانات ==> دول ياريت تقطع علاقتك بيهم عشان دول دماغهم لاسعة ومهوية .. غيره غيره ناس تالتة هتقول بنام عشان مفكرش فى اللى مضايقنى ==> طب افرض انت مش جايلك نوم هتنام بالعافية برده ؟! دا إيه الرخامة دى الناس اللى عمالة تفتى وتهيص دى خلاص كفاية صدعتونا ركزوا بقى اسمعوا شوية الحلول الجامدة دى واختاروا ولو واحد منها وشوف إزاى إزاى ان حزنك فى ثانية هيتقلب فرحة وسعادة 1- جرب وإنت فى عز ضيقتك كدة تشغل جنبك قرآن بس يكون بصوت شيخ بتحبه ومريح اوى زى مشارى راشد وبجد بجد هتهدى اوى 2- جرب تتوضى وتصلى بس ركعتين بتركيز وخشوع وتذلل إلى الله تعالى وادعيه اوى اوى وشوف هتستريح إزاى وهتلاقى إن مفيش أى حاجة مستاهلة تزعل عشانها غير بعدك عن ربنا 3- " اسعد الناس تسعد " حاول تفرح أى إنسان وشوف السعادة اللى إنت هتكون فيها 4- اخرج مع اصحابك او اتكلم مع ناس بتحبهم وبيحبوك وهتلاقيهم بينسوك كل هموم الدنيا وهتحس إنك عندك نعم كتير أوى غفلت عنها وهتفرح بجد من قلبك 5- استغر ربنا كتير .. " ألا بذكر الله تطمئن القلوب " وأخر حاجة افتكر إنه إزاى أحزن والله ربى دا هو القدير ملك السماوات والأرض واللى بدعوة واحدة منك قادر إنه يقول للشيء كن فيكون ربنا كريم أوى والله روحله بقى لأن هو أكتر حد عاوز مصلحتك ومش عاوز يشوفك أبدا زعلان .. خليها عليه ومستحيل يسيبك أبدا والله يلا بقى كل واحد يورينى ابتسامته وجمال ضحكته يارب تكون الحلقة عجبتكوا ودا لينك تحميل الأغنية mp3 للى عاوز يحملها http://www.rr1r.net/download12592.html